Léttari í dag en í gær!

Ólétt og átaki frestað þar til næsta sumar

2009-10-21T09:56:00.001Z

Mér tókst að verða ólétt aftur :) Ég er núna komin 18 vikur á leið og ætla því að fresta átaki þar til næsta sumar. Þá verður hanskinn tekinn upp aftur og þrusu átak sett af stað. Er strax byrjuð að plana það :)

Góðar stundir

Vika 4 búin

2009-07-27T08:18:00.002Z

ótrúlegt hvað tíminn líður hratt, ég sé að ég bloggaði ekkert í vikunni. Staðan hjá mér er 1kg niður í þessari viku, "aðeins" 28,4 kg eftir í markmiðið. Ég er mjög sátt við árangur vikunnar. Ég var ekki alltaf í stuði til að klára dagskamtinn minn af mjólk og borðaði frekar sjaldan fisk í vikunni, aðeins tvisvar, svo ég átti í raun ekki von á miklum árangri. En grænmetis átið er greinilega að skila góðum árangri ásamt því að ég er ekki alltaf að narta í eitthvað milli mála og læt sælgæti og kökur alveg vera.
Þá er bara að hefja viku 5 :) Vika 6 mun ekki verða ddv vika þar sem ég verð á ferðalagi alla þá viku og þarf að smyrja nesti og treysta á vegasjoppur, en ég ætla að gera mitt besta og taka fullt af grænmeti með mér, stefni á að standa í stað í viku 6, fínt að vera með svona planað með góðum fyrirvara því þá get ég byrjað að skipuleggja hvernig ég ætla að hafa þetta.
En vika 5 hér kem ég :)

Léttingur í viku 3 var

2009-07-21T07:30:00.002Z

400gr, kannski ekki alveg nógu mikið en þegar á heildina er litið hafa farið 5,4 kg á þrem vikum. Ég er amk mjög sátt við það að vigtin sé á niðurleið. Mér finnst ég vera með mikinn bjúg núna í morgunsárið, það er líklega vegna þess að í gær vorum við á ferðalagi og ég drakk ekki nógu mikið vatn, ég hreyfði mig líka ekkert um helgina, fór ekki í einn einasta göngutúr svo það verður bætt úr því í vikunni. Nú eru "bara" 29,4 kg eftir.

Vika 3 búin

2009-07-20T21:31:00.002Z

Jæja þá er vika þrjú búin og vika 4 hafin. Ég var í sveitinni í dag svo ég gat ekki staðið á vigtina en mun gera það strax í fyrramálið. Það gengur enn rosalega vel, ég elska þetta :)

Hlaup

2009-07-16T22:21:00.003Z

Ég ákvað síðasta haust að byrja að hlaupa, komst svo að því að ég væri ólétt og ákvað að fresta því þar til ég væri búin að eiga. Ég beið rosalega spennt alla meðgönguna, síðan var ég svo óheppin að togna í lífbeininu daginn áður en litli prinsinn minn kom í heiminn sem gerði það að verkum að ég gat ekki gengið og þurfti að styðjast við göngugrind í nokkra daga eftir að ég átti. Grindin og lífbeinið er svo búið að vera lengi að jafna sig, ég fór af stað að hlaupa og fékk hræðilega verki í hnén sem ég þurfti að fara á bólgueyðandi kúr og læknirinn sagði við mig að ég mætti þetta alls ekki. En mér langar svo rosalega mikið að geta hlaupið, hef aldrei á ævinni getað það, varla lifað það af að hlaupa á milli ljósastaura. Ég fór á þriðjudaginn út að hlaupa, eftir að vera búin að hvíla kroppinn vel, mánuður síðan íbúfenkúrinn kláraðist. Það gekk rosalega vel, ég tók vinsæla prógrammið frá sófakartöflu í að hlaupa 5 km, viku 1, en ég hafði áður klárað viku 1, en ákvað að byrja upp á byrjun. Í dag fór ég svo aftur út og gekk mun betur en á þriðjudaginn, mér fannst þetta bara alls ekki erfitt svo ég bíð spennt eftir að fara einu sinni enn og klára viku 1 og byrja svo á viku 2. Ætla að nýta þennan áhuga minn, hefur annars einhver séð feita hlaupara? Efast um það...ef ég byrja að hlaupa á fullu þá vonast ég til þess að þegar ég verð komin í kjörþyngd að ég eigi auðveldara með að halda mér þar :)

Gengur rosalega vel

2009-07-16T15:47:00.003Z

Ég er bara í skýjunum yfir því hvað mér gengur vel núna. Mér langar ósköp lítið í sætt eða annað svindl. Fór í mat til fólks sem ég hef ekki áður farið í mat til og það vissi ekki að ég væri á ddv, ég hringdi því í þau um morguninn og sagði þeim að ég væri að vigta allan mat sem ég æti og borðaði ekki sætindi og bað því húsfrúnna að vera ekkert að hafa fyrir eftirrétt og fékk um leið leyfi til að koma með vigtina með mér. Ég greip svo eina gúrku líka og sýrðan rjóma og gríska jógúrt til að búa til dressingu með grillinu svo ég myndi ekki þurfa að falla í neinar freistingar. Í ljós kom svo að eftirrétturinn var ávaxtasallat sem var himneskt, ég hafði tekið sætu og vanilludropa líka svo ég gat búið til vanillu sósu með því. Allir við borðið átu svo mína dressingu með matnum og flestir með eftirréttnum líka og dásömuðu þessu í bak og fyrir. Ekki leiðinlegt það :)

Léttingur vikunnar var 1,8 kg

2009-07-13T08:02:00.003Z

þá eru farin 5 kg á fyrstu tveim vikunum. Ég er auðvitað í skýjunum yfir þessu. "Aðeins" 29,8 kg eftir og nýr tugur leit dagsins ljós, tveggja stafa talan sæta :) Gott að ég var ekki lengur en reyndist í þriggja stafa tölu því ég hafði ákveðið að fara þangað aldrei aftur. Best að segja aldrei aldrei heldur frekar gera eitthvað í sínum málum þegar maður kemst þangað sem maður vil ekki vera :) Ég stefni á 10 létting áður en ég byrja að vinna 7.september eftir fæðingarorlof og mér sýnist fyrsta markmiðið ætla að komast í höfn, amk er ég hálfnuð núna :) Jæja best að halda áfram ég þarf víst að fá mér morgunmat.

Vika tvö

2009-07-12T23:06:00.002Z

Þá er vika tvö að verða búin. Ég er rosalega ánægð með hvað ég hef staðið mig vel. Þetta hefur verið mun auðveldara en ég átti von á. Auðvitað eru freistingar út um allt en ég er staðráðin í að standa mig vel og finnst freistingar vera til að standast þær. Við fórum í bíltúr út á land í gær og í staðin fyrir að jappla á sælgæti í bílnum eins og venjulega vorum við með sitthvorn "nammipokann" sem í var paprika, gúrka og gulrætur. Það var bara ágætt :) Það verður gaman að sjá hvernig léttingurinn verður í viku 2, ég bíð amk spennt :)

Það gengur rosalega vel

2009-07-10T15:46:00.002Z

ég held mér við prógrammið 100% því ég veit það er það eina sem dugar ef maður ætlar sér að léttast. Mér finnst þetta ennþá frekar létt. Núna er önnu helgin að renna upp, það verður spennandi að sjá hvernig ég tækla hana. Laxinn er í miklu uppáhaldi hjá mér þessa dagana, mér langar helst að borða hann á hverjum degi, sem væri svosem í lagi prógramsins vegna en ég er hrædd um að það væri aðeins of einhæft og að ég fengi ógeð af honum eins og ég át yfir mig af reyktum lax þegar ég var á þessu fæði síðast og get varla borðað í dag.

Ég á afmæli í dag...

2009-07-08T09:35:00.002Z

og í tilefni dagsins ætla ég EKKI að fá mér sykur, kökur og annað óhollt heldur halda mér við ddv eins og aðra daga. Þetta var mér mikill höfuðverkur, hvort ég ætti nú ekki að baka köku ef einhver skyldi koma í heimsókn og fá mér köku líka. Ég ákvað hins vegar að gera það ekki, ef einhver kemur í heimsókn þá verður bara boðið upp á niðurskorið grænmeti og ídýfa og ávextir, það eru hvort eð er allir meira og minna í megrun, átaki, eða öðru álíka. Ég ætla hins vegar að baka pebbernödder og gulrótarmuffins ala ddv, aðallega til að eiga í frysti því þetta er snilldar treat þegar manni langar í eitthvað annað en ávexti og grænmeti. Fæ mér líklega eitthvað af þessu í dag, en þó bara innan leyfilegra marka :)

Léttingur fyrstu vikunnar var 3,2 kg

2009-07-06T08:52:00.003Z

Ég er í skýjunum út af því, líður rosalega vel og er ánægð með að hafa bara kýlt á þetta. Nú er bara að klára þetta, "aðeins" 31,6 kg eftir í mark, þetta á eftir að taka enga stund :)
Ég fékk mér ristað brauð með cammenbert í morgunmat, ekki slæmt að vera í megrun og mega fá sér cammenbert!

Fyrsta helgin

2009-07-04T18:30:00.003Z

Helgarnar eru alltaf erfiðastar þegar maður er í megrun. Þá eru freistingarnar fleiri, heimsóknir, betri matur o.s.frv. Þessi helgi er búin að vera óvenju létt ef svo má að orði komast, ég hef ekki fengið löngun í neitt sukk, enda 100% ákveðin að ætla mér að gera þetta núna. Markmiðið er að borða fullt af fisk í næstu viku. Ég bíð svo spennt eftir að fá fyrstu tölurnar á mánudaginn.

Má til með að blogga núna

2009-07-02T12:54:00.002Z

Ég var að borða besta fisk sem ég hef smakkað og ég hef sko oft smakkað fisk :) Fór í fiskbúðina í gær og keypti mér lax með chilli og engiferi, skellti honum í ofninn á 180°c í 20 mín, sauð hrísgrjón með (75 gr elduð), og hafði með þessu 15 gr af sweet chili sósu og 10 gr af smyrju, grænmetið borðaði ég að mestu meðan fiskurinn var í ofninum, en geymdi smá papriku og nokkur sallatblöð til að borða með fisknum. Þetta var besti fiskur sem ég hef smakkað :) Mér líður rosalega vel að vera byrjuð aftur á ddv. Ég er líka 100% stemmd í þetta sem skiptir svo miklu máli. Ég er að þessu fyrir sjálfa mig, ekki aðra, heldur sjálfa mig því mér líður miklu betur með sjálfa mig þegar ég er grennri en ég er í dag...oh hvað ég hlakka til að geta tekið fram fötin sem eru hætt að passa, það er gott ráð í kreppu að minnka sig í fötin í stað þess að kaupa ný, svo eru föt í stórum stærðum svo miklu dýrari oft en minni stærðirnar svo ég minnist nú ekki á úrvalið líka.

Búin á fundi

2009-07-01T21:10:00.002Z

og skrá mig á ddv. Ég var 103 kg á vigtinni hjá þeim og fékk fitumælingu líka. Ég ætla svo að mæta næst í viktun 13.ágúst, eftir sumarfríið hjá þeim, spara mér 900 kr á viku fyrst ég get það og ég treysti mér alveg 100% til að gera þetta sjálf. Mér leist mjög vel á nýja prógrammið, fullt af hlutum sem maður getur fengið sér extra og svo líka ótakmarkað. Prógrammið er orðið miklu "skemmtilegra" núna en það var þegar ég var á því síðast.

Fyrsti fundurinn á eftir - Dagur 3

2009-07-01T17:53:00.002Z

Jæja þá fer ég á fund á eftir. Í kvöld er ég að elda smá lúðu í kvöldmatinn. Uppskriftina fékk ég hér. Spennandi að prófa eitthvað nýtt. Ég aðlagaði hana aðeins að ddv.
Ég bíð spennt eftir fyrsta fundinum...

Dagur 2

2009-07-01T09:21:00.003Z

Þessi dagur gekk líka mjög vel. Fór meira að segja í bíó og heim til vinkonu minnar sem átti afmæli og freistaðist ekki til að fá mér neitt í bíó eða bita af kökunni sem hún bauð mér upp á. Málið er bara að mér líður svo vel á þessum mat. Finn að vísu til smá svengdar svona rétt áður en ég á að borða en þannig er það bara fyrst meðan maginn er að venjast þessu nýja fæði. Ég fer svo og skrái mig í kvöld.

Dagur 1

2009-06-29T15:45:00.002Z

Ég byrjaði í dag á ddv. Vá hvað mér líður vel með þessa ákvörðun. Nú ætla ég að vona að aukakílóin mín, öll með tölu, renni af mér eins og lýsi næstu vikurnar. Best væri að missa 1 kg á viku en allt yfir 500 gr er ég sátt við. Ég man síðast þegar ég var á þessu þá fór yfirleitt minna eina vikuna og meira þá næstu (t.d. 500 gr og svo 1,5 kg). Ég fékk mér týpískan ddv morgunmat, ristað brauð með osti og appelsínusafa, svo í hádeginu fékk ég mér spælt egg, brauð og létt mæjónes og niðurskorið grænmeti. Ég sé að það er betra að byrja á ddv að sumri á Íslandi en vetri því grænmetið er svo þúsund sinnum ferskara og betra, jafnvel úr Bónus. Ég er að hugsa um að skjótast út í búð á eftir þegar bóndinn kemur heim og versla mér meira grænmeti og sætuefni til að gera góða eftirrétti úr sýrðum rjóma og ávöxtum. Annars fór ég í gegnum skápana hér í gærkvöldi og hennti öllu sem ég ætla ekki að borða á meðan ég er á ddv, t.d. snakk, súrar gúrkur, sultur með sykri (allar nema ein sem tengdamamma var að gefa mér og hún verður handa gestum), kex, snakk og margt fleira óholt sem gæti freistað mín fór allt saman í ruslafötuna. Markmiðið er komið á hreint...ég ætla að missa 34,8 kg og komast þ.a.l. í 69 kg af því það er svo flott tala :) Ég er semsagt 103,8 kg í dag á vigtinni hér heima hjá mér. Ég mun líka fara í vigtun hjá ddv á fimmtudögum en hugsa að ég skrái bara tölurnar sem ég fæ á vigtinni heima því það er morgunvigt og frá degi 1.

Byrja fyrr en áætlað var

2009-06-28T22:06:00.002Z

Jæja ég hef ákveðið að bíða ekki til fyrsta júlí heldur byrja strax í fyrramálið á DDV. Ég mun þó fyrstu dagana bara fara eftir gamla prógramminu því það er ekki byrjendafundur fyrr en á miðvikudaginn. Ég ætla því að byrja að vigta matinn á morgun og jafnvel skella mér á vigtina hér heima svona til að byrja með, svo er hugmyndin að mæla cm líka og taka mynd af mér einu sinni í mánuði til að sjá framfarirnar. Ég hlakka svo til að byrja aftur og komin í 100% gír. Ég ætla að hafa fyrstu vikuna svona í takt við hörkuviku svona til að fá gott start :) Gangi mér vel!

Þann 1.júlí

2009-06-19T15:41:00.000Z

þá ætla ég að byrja á DDV. Ég hef áður verið á DDV og náð mjög góðum árangri og þá bloggaði ég einmitt líka. Núna ætla ég að byrja aftur og ná restinni af mér ásamt því sem kom á mig eftir að ég hætti síðast. Ég þarf smá andlegan undirbúning áður en ég byrja svo ég sjái nú ekki eftir neinu svo er ég líka í fæðingarorlofi núna svo það er tilvalið að nýta tímann til að breyta um lífstíl áður en ég byrja að vinna aftur í haust. Ég veit ekki hvað ég kem til með að blogga mikið um átakið en amk setja inn tölur í hverri viku.